Прокимен, глас 7:
Честна пред Господем смерть преподобных Его.
Стих: Что воздам Господеви о всех, яже воздаде ми?
Апостол, к Галатом (зач. 213) или
Соборнаго послания Иоаннова чтение (зач. 73, гл. 4, 7-11).
Аллилуиа, глас 6:
Блажен муж бояйся Господа, в заповедех Его восхощет зело.
Стих: Сильно на земли будет семя Его.
Евангелие от Луки (зач. 24) или от Луки (зач. 26)
Тропарь, гл.4:
Христа Учителя в пути смирения помолився приял еси, свидетельствующу Духу в сердце твоем спасение, сего ради веселятся ныне людие вси о памяти твоей, на упование званнии; Преподобне Отче СИЛУАНЕ, моли Христа Бога спастися душам нашим.
Ин Тропарь, глас 3:
Проповедник любве Христовой дался еси вселенней ты сладчайший в богословех преподобне Отче Смиреннаго бо и Кроткаго узрел еси и сердце Онаго познал еси темже мы вси, Силуане преблаженне твоими богоглаголивыми словесы просвещаеми славим прославльшаго тя Духа.
Кондак, гл.8:
Егда на земли Христу послужил еси, непорочне в стопах Того ходящи, ныне на небесех зриши Егоже возжелел еси, и спребываеши Ему, якоже обеща; темже, Отче СИЛУАНЕ преподобне, научи ны еюже шел еси стезею.
