Преподобный Силуан Афонский (Семен Иванович Антонов) родился в селе Шовском (Тамбовская губерния) в крестьянской семье. В 19 лет он пережил благодатное посещение. Когда вскоре молодая жизнь стала заглушать память о нем, зов был повторен Самой Богородицей. Семен коренным образом изменил свою жизнь и решил уйти в монастырь. По окончании военной службы Семен пробыл дома лишь одну неделю и уехал на Афон; в русский монастырь святого великомученика Пантелеимона он прибыл осенью 1892 г. Первым послушанием брата Симеона стала работа на мельнице; на стезю духовного подвига его вводил Афонский вековой уклад. Скоро он получил от Пресвятой Богородицы великий и редкий дар: его молитва стала “самодвижной”. Вместе с тем неопытный инок подвергался разнообразным демоническим нападениям. По прошествии полугода борьбы с ними брат Симеон изнемог: он почувствовал полную оставленность, его душу охватила адская тоска. Спустя час молодому послушнику явился Господь Иисус. Преподобный принадлежал к тому редкому роду подвижников, которые в начале своего пути получают ту меру Благодати, которая обычно дается совершенным. Они особенно остро переживают ее неизбежное умаление и с напряжением, неизвестным другим, стремятся обрести утраченное: “Знают они, что потеряли”.

Когда действие благодати стало слабеть, Симеона охватило “скучание о Господе”. Чтобы Христос мог пребывать в нем, ему предстояло “разумным подвигом” очистить себя от страстей. Постриженный в 1886 г. в мантию, отец Силуан по-прежнему несет монастырские послушания, в глубине сердца обучаясь “умному трезвению” - борьбе с помыслами; несет подвиг отсечения своей воли и предания себя на волю Божию. Спит он сидя, один-два часа в сутки урывками по 15-20 минут, ночь отдавая Иисусовой молитве. В непрестанной борьбе проходит пятнадцать лет. И однажды ночью, когда, несмотря на все старания, чисто молиться не давалось, монаха Силуана охватило болезненное томление: столько лет предельных для человека усилий, и еще скрывается желанный Господь! Отец Силуан произнес в сердце своем: “Господи <...> что я должен делать, чтобы молиться Тебе чистым умом? <...> чтобы смирилась моя душа?”. И был ему ответ в сердце от Бога: Держи ум твой во аде, и не отчаивайся.

Откровение Господа преподобному Силуану в краткой формуле содержит вековой опыт христианского подвижничества. Осуждая себя во ад, признавая себя достойным наказания, но не теряя надежды на Милостивого Господа, полагая в Нем Одном свою силу и упование, подвижникобретает способность противостоять собственным страстям и нападениям извне. В этой же формуле заключен путь спасения всякого христианина. Он идет к блаженству, но через боль покаяния, к царственному богосыновству, но через сознание своего недостоинства. С этого момента преподобный Силуан окончательно утвердился на пути спасения. Но только еще через пятнадцать лет он досстиг бесстрастия. Господь, познанный им в первом откровении, теперь неотступно пребывал с ним. С ростом благодатных посещений менялся характер молитвы Преподобного. В ней начинает преобладать молитва за мир, “за всего Адама, как за самого себя”. Из этой молитвы рождается его свидетельство о нерушимой связи каждого человека со своим ближним: “Брат наш есть наша жизнь”, и его убежденность в том, что любовь к ближнему - условие познания Бога: “Кто не имеет в себе любви к врагам, в том Дух Божий не обитает”.

Постриженный в схиму в 1911 г. преподобный Силуан несет послушание монастырского эконома. Тогда же он пишет свои записки, опубликованные в 1952 г. его учеником архимандритом Софронием (Сахаровым; +1993). Многие монашествующие называют их Новым Добротолюбием.

Преподобный Силуан скончался, не прерывая молитвы, поболев перед смертью чуть больше недели.

С 1970-х гг. известны случаи многочисленных исцелений, совершавшихся от главы Преподобного, которая хранится в Пантелеимоновском монастыре. Часть его мощей находится в Иоанно-Предтеченском монастыре в Великобритании.

Преподобный Силуан с плачем молился о всем мире тогда, когда мир был охвачен братоубийственной войной, когда Россию раздирала гражданская война, когда множество людей становилось жертвами массового террора, и Русская Церковь шла путем мученичества. Духом проживая трагедию человечества, старец Силуан в молитве сораспинался кроткому, любящему Христу и “мог умолить Его о неисчетном множестве людей”. На иконе предстоящий Христу преподобный Силуан держит свиток со словами этой молитвы: Молю Тебя, Милостивый Господи, да познают Тебя Духом Святым все народы земли.

Избранный подвижниче и земный ангеле Христов, всеблаженне отче Силуане! В непрестанном бдении, посте и смирении отцев афонских преизрядный подражателю, жаждею по Бозе и горением любве к Hему благодать обильную душе твоей стяжал еси, всеблаженне. Христу подражая, за томящихся во аде, живых и грядущих молитвою слезною сраспинался еси. Сицевыя любве твоея не лиши и нас, во юдоли греховней твоего предстательства пред Богом просящих и умильно зовущих: Радуйся, отче Силуане, в молитве за мир горение любве неугасающее.

Ангелов Творец и Господь Сил из чрева матере твоея предъизбра тя, и, по глаголу Псалмопевца, сердце глубоко дарова ти,богоносне отче Силуане, да, яко в чертозе преизряднем, вместивши невместимое имя Бога Вышняго и силою Божиею и Божиею Премудростию житию ангельскому всеусердно последуеши. Мы же, похваляюще чудный подвиг земных трудов твоих, благоговейно зовем ти:

Радуйся, родителей благочестивых плод целомудренныя чистоты:
радуйся, благовонное цветение их подвига веры, неувядаемыя красоты.
Радуйся, благочестие родителей твоих душевне возлюбивый:
радуйся, целомудрию и боголюбию их уподобитися благоволивый.
радуйся, измлада радости в Бозе искати дивно умудривыйся:
радуйся, аки елень к источнику благодати Божия устремивыйся.
Радуйся, словом Божиим, аки сладким медом, разум юности твоея усладивый:
радуйся, сердце твое воле Божией всецело покоривый.

Радуйся, отче Силуане, в молитве за мир горение любве неугасающее.

Виде тя Преблагословенная Богоридица, в пучине греховней погружаема, егда сладость греховная, аки змий злосмрадный, вниде во утробу юности твоея, Матерски печалующися, дивно воззва ти: чадо, прискорбно Ми есть видети тя во греховнем делании оскверняющася. Юже, состраждущу о твоем грехопадении уразумев, змия греховнаго мужемудренно изринул еси, покаянием и молитвою того побеждая, любящему же нас Господу присно воспевая о Пречистей Матери Его благодарную песнь: Аллилуиа.

Разум Божественный осени тя, егда глас Матере Господа Сил услышати сподобился еси, избранниче Божий Силуане, и благодать Святаго Духа исполни сердце твое. Тоя же действием, аки серна из тенет, в вертоград дивно призвавшия тя Божия Матере — Гору Афонскую, от мирския суеты устремился еси, во еже прилепитися Богу сынолюбне. Мы же, видяще чудное изволение о тебе мира Владычицы, умильно зовем ти:

Радуйся, от мрака греховнаго к свету Истины Христовы Самою Пречистою призванный:
радуйся, быти верным делателем Ея земнаго вертограда дивно избранный.
Радуйся, земли Российския грозде сладкотечный, на Горе Афонстей изобильно произрастший:
радуйся, совесте недремлющая, покаянною молитвою жало греховное притупившая.
Радуйся, во Святей Пантелеимоновей обители ангельски Богу послуживый:
радуйся, в труде, посте и безмолвии врага, борющаго тя, славно покоривый.
Радуйся, вся козни диавола смиренномудренно поправый:
радуйся, жаждею по Бозе веру непорочную славне стяжавый.

Радуйся, отче Силуане, в молитве за мир горение любве неугасающее.

Сила Вышняго воистину храняше тя, егда дух ада и смерти претяше ти и душу твою прельщеньми греховными обуреваше, боголюбиве отче Силуане. Изнемогаяй же, Бога неумолима помыслил еси биты, тогда Человеколюбец Господь, в неизреченном Фаворстем блистании, тя посети и огнем благодати Святаго Духа укрепи тя, всеблаженне. Ты же, аки Павел, новое рождение восприяв, со страхом и радостию вызвал еси Богу: Аллилуиа.

Имея богатство благодати, Духом на Hебеса возведен был еси и тамо неизреченныя глаголы слышал еси. Воистину радости тоя кто исповесть, отче преблаженне Силуане. Егда бо, вне образов мира, в созерцании Божества, доброты несказанныя, безмерно любящаго и всепрощающаго Христа Бога Лице видети сподобился еси, неизреченныя любве Божия преисполнился еси. Мы же, чудящеся твоему неизглаголанному боговидению, вопием:

Радуйся, в подвизе веры Христова посещения и утешения сподобивыйся:
радуйся, доброту неизреченныя славы Его лицезрети удостоивыйся.
Радуйся, в Едем Hебесный дивныя красоты Духом Святым возведенный:
радуйся, тамо благодатными дарами Святаго Утешителя Духа преизобильно напоенный.
Радуйся, причастниче неизреченныя райския красоты:
радуйся, Богом возлюбленный и Им облагодатствованный щедротами Hебесныя доброты.
Радуйся, тоя благодати всему человечу роду прилежно ходатайствующий:
радуйся, яко страж недремлющий, ко утру жизни вечныя нас пробуждающий.

Радуйся, отче Силуане, в молитве за мир горение любве неугасающее.

Бурю лютых искушений воздвиже на тя человекоубийца диавол, искони ищущий погубити, но ты, отче Силуане, Духом Святым наставляемый: держати ум твой во аде и не отчаяватися, в непристанном бдении и смирении козни диавола предваряя, того победил еси. Он же, тобою посрамленный, не обинуяся, рече ти, яко лжец есть. Тако от сетей врага душу твою, аки голубицу кроткую, Бог соблюл еси, непрестанно воспевая Ему: Аллилуиа.

Слышаще о тебе, яко дивно от мирския суеты к иноческому подвигу призвана бывша и благодатию Божиею добр плод творяща, преподобне, не токмо младии иноцы, но и старцы, в подвизе зело искуснии, к тебе притекаху и аки медом, делы и словесы твоими услаждахуся и тако равноангельнаго жития достигающе, Господу подобяхуся. Мы же, видяще тя смиренномудрием украшена, с радостию зовем ти:

Радуйся, смиренномудрия и целомудрия кладезю неисчерпаемый:
радуйся, земнаго Едема крине благоуханный и неувядаемый.
Радуйся, благое иго Христово в подвизе твоем с любовию носивый:
радуйся, ум твой, сердце и волю в Бозе молитвою утвердивый.
Радуйся, чистоты душевныя и телесныя хранителю усердный:
радуйся, непрестанною молитвою на высоту безстрастия возшедый.
Радуйся, святоотеческим правилам усерднейший подражателю:
радуйся, Hебеснаго Отечества и любве Божия к нам непрестающий глашатаю.

Радуйся, отче Силуане, в молитве за мир горение любве неугасающее.

Звезду, путь указующую и ум просвещающую, — Божественную благодать дарова ти Господь, боголюбие отче Силуане, и тою, аки пророка Илию у потока Хорафа, на спасительный подвиг укрепляше тя. Ты же, дивно питаемый от неиждиваемых сокровищ Духа Святаго, в юности и престарении, от стражи утренния до нощи, в молитвах за всю вселенную, аки свирель сладкопесненная, непристанно взывал еси Богу: Аллилуиа.

Видим тя, о преблаженне отче Силуане, в подвизе благом, аки младенец млека матере любве Божия ищуща и к Тому любовию пламенеюща, и слезно взывающа: помяни, душа моя, любовь Господню, и согреяся сердце мое: кто бо даст ми толикий жар, еже не знати ми покоя во дни, ниже в нощи от любве Божия? Сего ради содрогаемся сердцем и умиляемся душею о толиком горении любве твоея ко Всещедрому Богу, и умильно зовем ти:

Радуйся, паче сладка меда неутолимо правды Божия жаждущий:
радуйся, в любви твоей ко Господу Ангелом подражающий.
Радуйся, возносяй кадило молитвы чистыя, аки пламень огненный:
радуйся, красотою ангельскаго благоговения украсивший горняя и дольняя.
Радуйся, яко огню купины несгораемыя сердце твое уподобляшеся:
радуйся, яко руце твои, аки Моисеовы, за народ избранный, за всех пред Господем простирашася.
Радуйся, ты бо возлюбил еси возжелати судьбы Божии на всякое время и взыскал еси оправданий Его:
радуйся, яко непристанно Ему взывал еси: спаси, Боже, люди Твоя и благослови достояние Твое.

Радуйся отче Силуане, в молитве за мир горение любве неугасающее.

Проповедник немолчен безмолвия явился еси, угодниче Божий, егда Человеколюбец Господь восхоте в любви испытати и посещения Всесвятаго Духа лиши тя. Ты же, уразумев себе лишена быти Того благодати, аки Адам, лишения рая рыдавый, сердцем сокрушенным слезно взывал еси: Господи! Ты прежде взыскал еси мя и дал ми еси насладитися Духом Твоим Святым, и душа моя возлюби Тя. Hыне же тужит душа моя по Тебе. Сице рыдая, обаче на милосердие Божие уповая, взывал еси Ему: Аллилуиа.

Возсиял еси, боголюбиве отче Силуане, яко новый тайновидец, отнелиже смирением и молитвою со слезами благодать Святаго Духа паки стяжал еси, от нея же любве неизреченныя преисполнися сердце твое. Ты же, уразумев благодати сея силу, дерзновением Илииным воззвал еси: Господи! Hе токмо мне, всему миру даруй познати любовь Твою и спастися! Мы же, имуще тя молитвенника пред Богом неусыпна, со умилением зовем ти:

Радуйся, яко молитвенным сраспинанием за умерших, живых и грядущих был еси небо отверстое:
радуйся,яко сицевою любовию исходатайствовал еси душе твоей Царство Hебесное.
Радуйся, чистоты веры и беззлобия дивное воплощение:
радуйся, к грехопадениям ближних твоих стяжавый Христово всепрощение.
Радуйся, дивнаго святилища мира — угодников Божиих верный сподвижниче:
радуйся, Преблагословенныя Игумении Афона верный послушниче и даров Святаго Духа вместилище.
Радуйся, Горы Афонския свирель сладкопесненная, о грядущей жизни возвещающая:
радуйся, Тоя вертограда трудниче неусыпный, в подвиге изнемогающих укрепляющий.

Радуйся, отче Силуане, в молитве за мир горение любве неугасающее.

Хотя Человеколюбец Господь явити в тебе новое благосветное светило, преподобне отче Силуане, яко ветвь масличную, от корене земли Российския, в пустыни Афонстей насади, и Духа Святаго благодатию орошая, многоплодна тя сотвори: делы бо и словесы твоими, аки елеем животворным, чистоте и целомудрию, благочестию и братолюбию всех наставлял еси. они же, союзом любве связуеми, покаряюще худшее лучшему, воспеваху Богу: Аллилуиа.

Hоваго пустынножителем сподвижника, монахом и мирским наставника и учителя яви тя Господь, преблаженне Силуане. Ты бо, еще в мире жив, некоего воина о грехопадении жены своея соблазнившагося и во гневе ярящася, Христову всепрощению научил еси, и сим Таинство Брака — малая Церковь от разрушения сохранися: иноков же, в уныние впадших, к стяжанию душевнаго мира призывая и страху Божию наставляя, к покаянию приводил еси, и тако рая жителей быти всех приуготовлял еси. Ведуще тя тако о спасении всех печалящася, достодолжно с любовию вопием ти:

Радуйся, пустоннолюбцев в искании Бога усердный сподвижниче:
радуйся, братолюбия прилежный строителю и теплый о всех молитвенниче,
Радуйся, на пути житейском, в бедах и напастех сопутниче верный:
радуйся, в болезнех, и печалех, и скорбех душевных служителю нелицемерный.
Радуйся, вестниче любве Божия, к примирению с Богом и ближним своим всех призывающий:
радуйся, свидетельством, яко благ Господь, души от греха изнемогающия в надежде прощения подкрепляющий.
Радуйся, верный подвижниче земнаго Едема, спасения миру слезно ходатайствующий:
радуйся, за всех нераскаянных грешников во ад снити желающий.

Радуйся, отче Силуане, в молитве за мир горение любве неугасающее.

Странное чудо яви тебе Господь, преблаженне отче Силуане, егда старца-духовника Авраамия, преображенна во образе Своем, невыразимо сияюща, дивно ти показа и тако честне почитати Таинство Покаяния нас настави. Мы же, видяще тя, волю свою, яко Самому господу, духовному отцу своему вверяюща и тако смирением и покаянием злыя хотения своя отсекающа, воле Божией, чрез пастырей Церкве Христовы, научаемся вверитися, и сице, прежде исхода нашего, гнева Божия и Суда грядущаго избежати, вопиюще Триединому Богу: Аллилуиа.

Всем сердцем и душею смирение Христово стяжавый, предивный угодниче Божий, и Тому, Возлюбленному, за мир сраспинаяйся, слезно взывал еси: Сладчайший Иисусе! Ты воскресил еси душу мою любити Тя и ближняго своего. Даруй ми убо источати слезы за всю вселенную, да вси людие познают Тя и да насладятся миром Твоим и узрят свет Лица Твоего. Мы же, во гресех житие наше иждившии и тобою спасаеми, ублажаем тя сице:

Радуйся, Заступницы Усердныя в молитвах за мир сподвижниче неутомимый:
радуйся, яко Иеремия о народе плачущий, Гору Святую слезами оросивый.
Радуйся, предивный афонский подвижниче, всю вселенную молитвою освящающий:
радуйся, яко отец чадолюбивый, за всех, во гресех погибающих, слезно пред Богом ходатайствующий.
Радуйся, Христу Богу возлюбленне угодниче, Ангелам радость и удивление:
радуйся, Севера светлое сияние, в Афонстей пустыни Святыя Руси чистое отображение.
Радуйся, в смирении и послушании явивый миру образ ангельския красоты:
радуйся, теплотою молитвы твоея и нас домом Духа Божественнаго хотяй сотворити.

Радуйся, отче Силуане, в молитве за мир горение любве неугасающее.

Все естество ангельское и подвижников множество удивишася смирению и человеколюбию твоему, отче наш Силуане, егда икономства послушание восприяв, целомудренному Иосифу во Египте уподобился еси. И не токмо о братии святыя обители, но и о мирских делателех, тамо трудившихся, яко о чадех Божиих,попечение имевый, Богу, любящему всякое Свое создание, о тех взывал еси: Господи, посли Духа Святаго Твоего и утеши скорбныя души бедных людей сих. Тако бо во всяком послушании смиренномудрия красоту показуя, непрестанно взывал еси Богу: Аллилуиа.

Ветии многовещании не возмогут изрещи силу любве твоея, предивне отче Силуане, ты бо слезно жаждал еси всяку вражду и нестроение в людех угасити и всяческая с Богом примирити, взывая Владыце мира: Господи! Твоим жажду быти и с Тобою за всю вселенную сораспятися, да вси спасени будут. К братии же взывал еси: чада, молитеся за врагов своих, они бо суть братия ваша — жизнь ваша, враг же мира токмо диавол есть. Мы же, тако к братолюбию и человеколюбию тобою наставляеми, зовем ти:

Радуйся, добротою твоею Христу на Голгофе уподобивыйся:
радуйся, не руками бо, сердцем и душею за врагов своих сраспинавыйся.
Радуйся, о ближних пекийся и красоту благодатнаго безмолвия не утративый:
радуйся, любя ближних своих, силу непристанныя молитвы стяжавый.
Радуйся, постом и молитвою стрелы лукаваго до конца отразивый:
радуйся, злоловления и ухищрения диавола препобеждати нас научивый.
Радуйся, в мельнице Христовой плоть трудом изнуряя, аки хлебом священным, сердце молитвою услаждавый:
радуйся, делателей вертограда Царицы Hебесныя хлебом жизни изобильно питавый.

Радуйся, отче Силуане, в молитве за мир горение любве неугасающее.

Спасения души твоея ища и Христу Сладчайшему прилепитися желая, от земли отец твоих на Гору Святую смиренне притекл еси, идеже в воздержании и безмолвии, трудолюбии и человеколюбии равноангельную красоту стяжал еси, всеблаженне. И тако преблагословеннаго утра, егда вси пустыннолюбцы обителей Афонских полунощную песнь Творцу воспеваху, благия кончины достигл еси и душу твою, Животворящим Телом и Кровию Господнею напитанную, в Божественныя руки Того предал еси, во еже непрестанно со всеми святыми воспевати святых Святейшему Слову: Аллилуиа.

Царя Hебеснаго, Егоже славословят Херувими и Серафими и святых собори, житием, верою и любовию всеусерднейший служитель был еси, преподобне и, яко крин благоуханный, со всеми избранниками Пречистыя Богородицы, у Престола Всесвятыя Троицы предстал еси. Буди же, всеблаженне, о благоденственном мире земли отец твоих усердный пред Богом ходатай, о Церкве же Святей — ангел неусыпныя молитвы и теплый предстатель, да тобою от бед избавляеми, благодарне зовим ти:

Радуйся, ангеле земли Российския, на Святей Горе преизрядно потрудивыйся:
радуйся, молитвенниче теплейший, у Престола Божия за нас любовию сраспеншийся.
Радуйся, о людех земли отцев твоих усердный пред Богом ходатаю:
радуйся, братии афонскаго вертограда, в подвизе изнемогающих, скорый предстателю.
Радуйся, язвы Господа твоего на теле твоем безропотно носивый:
радуйся, душу твою, покаянными слезами убелену, чисту Тому вверивый.
Радуйся, верный делателю винограда Христова, к Горнему Сиону Господем призванный:
радуйся, яко тамо собеседуеши со святыми и Ангелы, славою и честию увенчанный.

Радуйся, отче Силуане, в молитве за мир горение любве неугасающее.

Песнь благохвальную приносим ти, угодниче Божий, отче Силуане, горением бо любве ко Господу, за спасение мира взалкавшему и смирением Своим диавола посрамившему, верно последуя, пустыню афонскую молитвою чистою облагоухал еси, образ равноангельнаго жития, многоплодными дарами Святаго Духа украшенный, благодатно нам показуя. Сице бо Гору Святую раеви уподобляя, врага посрамил еси, души же твоей Царствие Hебесное стяжал еси, подвизая и нас любовию к Богу прилеплятися, вопиюще Ему: Аллилуиа.

Светоподательнаго Света и благодати Святаго Духа носителя в житии и по смерти всему миру яви тя Господь во днех наших, преподобне, во еже взирающе на тя, нетленною красотою земных подвигов блистающа и херувимски у Престола Божия за нас молитвы творяща, в надежди спасения нашего уверимся и благонравному житию всеусерднейше последуем, волю же свою любви Божией сладко покорим, такожде и в телесех и душах наших прославление имене любящаго нас Господа да утвердится. Темже, тобою в вере укрепляеми, с любовию зовем ти:

Радуйся, подвигом жизни благонравныя в любви к Богу нас укрепляющий:
радуйся, усердный обличателю злонравия, Таинства и правила веры православныя хранити нас наставляющий.
Радуйся, пустынножительством Петру Афонскому в посте и безмолвии прилежно ревновавый:
радуйся, попечением о благонравии иночествующих авве Афанасию верно подражавый.
Радуйся, новый светильниче веры, в дни наши верный путь к Богу указующий:
радуйся, о неоскудении благодати Святаго Духа в Церкви Православней всем дивно свидетельствующий.
Радуйся, верный рабе Христов, достойно у Престола Славы Его предстоящий:
радуйся, благия кончины и добраго ответа на Страшнем Судищи Христове нам усердно просящий.

Радуйся, отче Силуане, в молитве за мир горение любве неугасающее.

Благодати неисповедимую силу излия на тя Христос Бог наш, преподобне, во еже на Hебесех, идеже все живет и движется в радости Духа Святого, явити в лице афонских подвижников, со всеми святыми о всех земнородных молитвы творяща. Тако ведуще тя, молимся: пролей, о всеблаженне, теплую молитву ко Господу, да милосердовав, Церковь Свою Святую, во спасение наше, во веки утвердит, пустыннолюбцев земнаго Едема, всяко сохранит и укрепит, да во веки славословится имя Божие от земных и Hебесных, поющих: Аллилуиа.

Поюще преславную память твою, богоносне отче Силуане, достойно ублажаем болезни и труды твоя, яже во бдении и пощении со всеми избранниками Божия Матере всеусердне понесл еси. Кто бо изочтет труды и воздыхания ваша, в молитвах за мир слезно приносимыя, имиже Господь гнев Свой, грехов ради наших, на милование преложи и человеколюбием Своим клятву, еюже клятся — Церкви Святей до скончания века утвержденней быти — не разори. Мы же, благодарни суще сицевому предстательству твоему, умильно зовем ти:

Радуйся, водительству Святаго Духа усердный последователю:
радуйся, Христа — Благость и Премудрость Божию — телесными очима лицезрителю.
Радуйся, Христов смиренный подвижниче, Матери Божией пред всеми Hебесными и земными радость и похваление:
радуйся, неусыпный о мире молитвенниче, нашего спасения надеждо и утешение.
Радуйся, наследниче Царства Христова, подвигом своим Гору Афонскую украсивый:
радуйся, нашего спасения верный сподвижниче, путь, ведущий к Богу, нам освятивый.
Радуйся, златокованная трубо, со всеми святыми и Ангелами славу Божию возвещающая:
радуйся, венцем безсмертия Богом увенчанный, в молитвах своих нас не оставляющий.

Радуйся, отче Силуане, в молитве за мир горение любве неугасающее.

О предивный угодниче Божий Силуане, земли Российския благодатное рождение, пустыннолюбцев Горы Афонския похвало и украшение! Приими от нас малое сие моление и испроси у Распеншагося за мир Христа Бога нашего, да помилует всех нас, чад Своих, и благодатию Святаго Духа в союз любве Своея свяжет нас и, имиже весть судьбами, к Себе приведет, во еже твоими молитвами непостыдно явитися нам в день Судный пред Лицем славы Его и сподобитися со всеми святыми и Ангелами воспевати победную песнь: Аллилуиа.


Этот кондак читается трижды, затем 1-й икос и 1-й кондак

О предивный угодниче Божий, отче Силуане! По благодати, тебе от Бога данной, — слезно молитися о всей вселенней: мертвых, живых и грядущих, не премолчи за нас ко Господу, к тебе усердно припадающих и твоего предстательства умильно просящих. Подвигни, о всеблаженне, на молитву Усердную Заступницу рода христианскаго, Преблагословенную Богородицу и Приснодеву Марию, чудно призвавшую тя быти верным делателем в Ея земном вертограде, идеже избранницы Божии о гресех наших милостива и долготерпелива быти Бога умоляют, во еже не помянути неправд и беззаконий наших, но, по неизреченней благости Господа нашего Иисуса Христа, ущедрити и спасти нас по велицей Его милости.

Ей, угодниче Божий, с Преблагословенною Владычицею мира — Святейшею Игумениею Афона и святыми подвижниками Ея земнаго жребия испроси у святых Святейшаго Слова Святей Горе Афонстей и боголюбивым пустынножителем ея от всех бед и наветов вражиих в мире сохранитися. Да Ангелы святыми от зол избавляеми и Духом Святым в вере и братолюбии укрепляеми, до скончания века о Единей, Святей, Соборней и Апостольстей Церкви молитвы творят и всем спасительный путь указуют, да Церковь Земная и Hебесная непристанно славословит Творца и Отца Светов, просвещающи и освящающи мир в вечней правде и благости Божией.

Hародам земли всей испроси благоденствие и мирное житие, дух смиренномудрия и братолюбия, добронравия и спасения, дух страха Божия. Да не злоба и беззаконие ожесточают сердца людския, могущия истребити любовь Божию в человецех и низвергнуть их в богопротивныя вражду и братоубийства, но в силе Божественныя любве и правды, якоже на Hебеси и на земли да святится имя Божие, да будет воля Его святая в человецех, и да воцарятся мир и Царствие Божие на земли.

Выпуск составлен Российской Ассоциацией преподобного Силуана Афонского

Мнение составителей может не совпадать с мнением авторов текстов, имеющихся в Интернете. Составители не несут ответственности за информацию, поступающую из Интернета.

Комментарии или отзывы на материалы наших предыдущих бюллетеней принимаются к публикации, если они достаточно аргументированы и не содержат оскорбительных выпадов в адрес оппонентов. В противном случае присылаемые замечания оставляются без внимания (не обсуждаются и не рецензируются).